نسيم الحرية: 2010

السبت، 9 يناير 2010

ليه كده يا حكومة ?

أبو العربي بيقول
من قلب مكسور وحزين
قصيدة هو كتبها
لآخوانه في فلسطين
من غير مايلف ويدور
من غير سياسة ودين
ليه كده يا حكومة حطيتي راسنا في الطين
في الأول وفي الآخر إحنا كلنا مسلمين
نقبل بدولة يهود علي حدودنا ومبسوطين
ونسينا حروبهم علينا وللا انتو مش فاكرين
نقفل معابرنا ونوقف الشرايين
عشان يهود يفرحوا
ومش مهم فلسطين ؟؟؟
يموتو تحت الحصار
والحجة هي هي ان احنا مصريين
وحدودودنا 100 100 وطابا لليهود
ياكلوا ويشربوا ويعربدوا
خليهم مبرطعين
حد يقولي ياخوانا ده كله لصالح مين
واحنا إدينا قوية علي أخوانا المتحاصرين
مقدرناش علي الحماروعلي البردعة شاطرين
وشيخنا يطلع يقول
كلام ميقلوش بهلول
لازم ناكل كباب وغيرنا يكلوا الفول
نقفل بابنا علينا وخلي اللي يقول يقول
بقي ده اسمه كلام ياشيخنا
ده يخالف كل دين
رب العباد بيقول في سورة الحجرات
أنما المؤمنون إخوة
سيبك من العبايات
ونيبنا قالها كمان في حديثه ومن زمان
المسلمين بنيان
لا تقولي في معاهدات
ولا ترفعوا شعارات
أصل ضمير الوطن
وللي زمانه ومات
وهقولها لفلسطين
حبيبتي ونور العين
احنا معاكي دايما
وبرضو مصريين
بس الكتاب بيقول
كلنا مسلمين
وانا أسف عن حكومتي
خلت راسنا في الطين
وكل ده عشان معاهدة زفت وطين
بس إحنا برضو حبايب
مصر وفلسطين