أبو العربي و الكاكاو

يوم الخميس بليل ... في البيت
أبو العربي قاعد قدام التلفزيون ومعاه ( ماج كاكاو باللبن) وقاعد يقلب بالرموت لغاية لما زهق من الدش وهو بيقلب شاف خبر علي قناة الجزيرة بيقولوا ان مصر هتعمل جدار عازل عشان توقف الأنفاق اللي بين مصر وغزة . قال ايه عشان ميهربوش سلاح للإرهابيين ...أبو العربي يدعك في عنيه ... ويسلك في ودانه ...
وبدأ يكلم نفسه ..وفيها ايه لما نهرب سلاح هما مش مسلمين زينا ... واليهود ولاد الـ... دول مش كل يوم يموتو في إخوانا المسلمين .... طيب إيه المشكلة بالزبط ... يمكن أنا مخي علي قدي ومش فاهم ايه اللي بيحصل ؟؟؟؟؟؟؟؟وقطع تفكير أبو العربي مشهد مظاهرات في فلسطين تندد بهذا الجدار الظالم .... وصور محمد الدرة وإيمان حجو؛ والشيخ يس بدات تظهر قدامه .... وراح أبو العربي في السرحان وتخيل نفسه وهو ماسك حجر بايده ولابس الكوفيه الفلسطينية والرصاص عمال يطير من جنبه يمين وشمال ... وأبو العربي يكبر ( بيقول الله أكبر يعني )ويحدف بالطوب علي اليهود .. وحواليه الشباب الرجالة اللي واقفين في وش اليهود مش خايفين من الرصاص ولا النار .... ومن بعيد لمح أبو العربي المسجد الأقصي .... لمعت عين أبو العربي بالدموع ... وسرت في جسده رعشة عجيبة هزت كيانه .. ودارت الأرض من تحت قدميه ... فلم يعد يري أمامه سوي مشهد واحد فقط ؛ مشهد المسجد الأقصي ؛ولم يعد يسمع صوت الرصاص والقنابل .. ولم يشعر أبو العربي بنفسه إلا وقدميه تسبق الريح ليذهب الي المسجد الأقصي .... ووجد أمامه دبابة أسرائلية ترفع هذا العلم القبيح وتحول دون وصوله الي بغيته ... أبو العربي دار حولها يريد أن يتخطاها ؛؛؛؛؛؛ لكن الرصاص بدا يتطاير حوله ؛؛ غير أنا أبو العربي لم يشعر به وظل يجري نحو المسجد الأقصي يريد ان يتخطي الجنود ... وظهر أمامه جندي إسرائيلي .... فدفعه ابو العربي جانبا .. يريد الوصول ... والمسجد يقترب . وقلب أبو العربي ينتفض واخترقت رصاصه قدمه .. لم يشعر بالألم ... تقدم أكثر فإذا برصاصة أخري تخترق ذراعه ... ولم يشعر ابو العربي الا بشئ كوخز الأبر ... وانطلق أبو العربي والدماء تنزف منه .. وهو يكبر يريد الوصول فعاجلته رصاصة ثالثة أستقرت بقلبه .

... نعم بقلبه الذي يمتلئ بحب المسجد الأقصي ....
قلبه الذي لايعرف فلسفة الساسة ..وسفسطة الدبلوماسين .. وعمالة الأنظمة ....
سقط أبو العربي أرضا وسقط من يده الحجر
...وفجأة !!!!.شعر أبو العربي بنار تشتعل في قدمه ؛ فإذا بكوب الكاكاو الساخن قد وقع علي قدميه وصوت نهاية النشرة الأخبارية يرن في إذنيه .. وقام يتحسس أبو العربي نفسه .. فلم يجد أثار رصاص ولا دماء .... فنظر الي (ماج الكاكاو )الذي بين يديه .. ثم قال "ان قادتنا الآن اشبه بالماج الفاضي معدش عندهم حاجة يعملوها ... غير انهم يتشطرو علي شعب فلسطين وبس كاتهم خيبة "
... وقرر أبو العربي أن يساهم كل يوم بجزء من فلوسه لفلسطين
( تحية كبيرة لأبو العربي .. الشاب الجدع )
3

أبو العربي يهنئ بورسعيد بالعام الهجري الجديد

استيقظ أبو العربي يوم الجمعة مبكراً علي غير العادة وقرر أن يذهب ليصلي صلاة الجمعة مبكراً وفي الصف الأول ( ربنا يهدي ) وقام دخل الحمام و أخد الدش المتين ولبس الجلبية البيضاء وتعطر ونزل المسجد قبلها بساعة ( لآن سمع الواد محمود بتاع الأخوان في الكلية بيقول ان اللي يروح بدري المسجد يوم الجمعة كأنه قدم جمل هدية لله ) ودخل أبو العربي المسجد وهو يشعر بارتياح نفسي شديد.. وقام ابو العربي بصلاة ركعتين تحية المسجد؛ ثم قام بسحب أحد المصاحف من مكتبة المسجد وجلس يقرأ في خشوع حتي صعد الإمام الي المنبر وبدأ يخطب في الناس.. وأبو العربي منتبه للإمام وبدا الخطيب في الحديث عن الهجرة وكيف ان النبي ترك أحب البلاد إليه وهاجر بدينه الي المدينة ومحاولات كفار مكة لقتله الوصول اليه ... ثم بدأت خيالات ابو العربي تعمل وتخيل انه يركب جملاً كبيرا ويسير به في الصحراء ومن خلفه كفار قريش يحاولون النيل منه ..وأحداث فيلم فجر الإسلام ومشاهده تجلت أمام نظر أبو العربي... الذي سرح في دنيا أخري وبدأ يشاهد اللات والعزي .. وابو جهل .. وابو لهب .. وفوجئ بأبو مني ( بائع السمك )..يمر من امامه وسيارة منطقة حرة قريش راكنة بجوار بائع الآلهة .. والدنيا هبلت معاه علي الآخر .............................. كل هذا ومازال الخطيب يصيح في الناس مذكرا بأحداث الهجرة ويهنئ الناس بالعام الهجري الجديد وينصحهم أن يهتموا بدينهم وأبنائهم وبدأ صوت الخطيب يعلوا لا تهملوا بناتكم وأبنائكم أتدرون من يكلم أبنائكم في المحمول وأنتم نائمون ؟؟؟؟؟ ثم علا صوت الخطيب أكثر فأكثر ( إنهم يكلمون الحبيب ) ففزع أبو العربي من أحلامه وانتبه قائما ( ثم قال بحماسة شديده - عليه الصلاة والسلام ) فما كان من الحاضرين سوي أن يرمقوه بنظرات ناريه ومنهم من كتم ضحكه بسب أبو العربي... وأحمر وجه أبو العربي خجلا من الموقف ده .. وكل ده بسبب سرحانه في الخطبة والتهيئات اللي بتجيله ...وقام الخطيب بانهاء الخطبة وصلي ابو العربي صلاة الجمعه .. وقرر أن ينتبه المره القادمة حتي لا يضع نفسه في موقف محرج كهذا ثانية وكل عام وأنتم بخير بمناسبة العام الهجري الجديد 1431 هــجرية

مع تحيات أبو العربي البورسعيدي

seleeeems@hotmail.com

أبو العربي رئيساً للجمهوريه :

في صباح يوم السبت قرر أبو العربي شراء جريده . في بادره تعد الأولي من نوعها في حياته . وأثناء تنقله بين صفحات الجريده لفت انتباهه مقاله بعنوان "أنت رئيس الجمهوريه" عندئذ بدأت الأوهام والهلاوس تدب في راس ابو العربي والذي بدا يتخيل نفسه رئيس للجمهوريه ويحفه موكب مهيب من السيارت المرسيد السوداء والموتوسيكلات ونصف الجيش يقف علي الصفين لمنع أي مواطن حقير من التقدم والنصف الأخر متخفي بين المواطنين لمنع أي بادره بل خاطره لمن تسول له نفسه حتي ان ينظر الي سيادة الرئيس .......وفاجأة سمع الجميع سوط إنفجار كبير !!!!!! حينئذ وجد ابو العربي نفسه بين أحذية رجاله وصوت الرصاص انتشر في كل مكن وكاد الرعب أن يخلع قلبه ممن مكانه ,اصيب بحاله من الذهول جعلته يعاني من تبول لا إرادي وحالة من الأغماء ... وبعد لحظات عاد الجميع للهدوء بعد ان تبين ان هذا الصوت كان بسبب إنفجار أحد إطارات السياره التي كان يركبها وتم إصلاح السياره واستكمل الموكب مسيرته ومازال أبو العربي ممدا علي الكرسي الخلفي للسياره ودارت رأسه ولعب الخوف بعقله فبدأ يري أشباحا تحاول ان تنال منه وسمع أصواتا مخيفه منهم من يقول ربنا ينتقم منك والآخر يقول كفايه بقي ظلم وصوت إمرأة تصرخ وديتو جوزي فين حرام عليكم واستمرت الخيالات أمامه فصار يري عبارات غارقه ؛ وقطارات محترقه ؛ واناس متفحمين - واصوات صراخ من تحت أنقاض وركام العمارات المتهدمه وأقتربت الأصوات منه أكثر فأكثر وبدأ ابوالعربي يصرخ لا...... لا........ مش عايز أموت مش عايز أموت وفاجأه سمع أبو العربي صوت عالي ( أوم إصحي يا منيل إتاخرت علي الكليه )وابو العربي يستيقظ ويتحسس نفسه ويقول الحمد الله ده كان حلم أعوذ بالله من الشيطان الرجيم الحمد لله متبلتشقطيعه تقطع الرئاسه واللي عايزها مع تحيات أبو العربي البورسعيدي

أوغاد الموساد و ابوالعربي زينة الشباب!!؟

ابو العربي في صباح يوم السبت ( أول يوم دراسه )
ابو العربي بعد اجازة العيد صحي بدري مش شايف قدامه علشان يستعد ويروح الكليه . دخل الصبح ياخد الشاور المتين عشان يصحصح . وكتر من الشاور جل عشان ينتعش ؛ وعمال يغني بصوت مزعج لغاية لما صحا الجيران . وفجاة وبدون مقدمات الميه اتقطعت علي ابو العربي . والشاور في عنيه .. وابو العربي بقي في موقف لا يحسد عليه. ويزعق وينادي يعالم ياللي فوق أقفلو الميه .. ولا حياة لمن تنادي ..
قرر ابو العربي ينشف نفسه كده وخلاص .. خرج ابو العربي من الحمام اخيرا .... وراح ناطط في بنطلونه وضارب التي شيرت والكاب واخد اجندته وحط برفانه التركيب ( المضروب يعني ) ونزل عشان يروح كليته .واتلقي المفاجاه الكبيره الشارع كله غرقان ميه والطريق مسدود بسبب انفجار ماسورة الميه !!!!!
ابو العربي قائلا ً : يادي اليوم اللي باين من اوله ( الظروف النهارده كلها ضدي ليه ؟ ) دي مؤامره عشان مروحش الكليه ( أكيد الموساد هو اللي ورا الموضوع ) – أصله متاثر شويه بروايات رجل المستحيل ) والله لافضحهم واعمل جروب علي الفيس بوك واسميه ( أوغاد الموساد و ابوالعربي زينة الشباب ) وقعد يتخيل نفسه وهو بيقلد دور "رأفت الهجان "
وعاش في الأوهام ومفاقش غير علي عربية معديه بسرعه وراحت مطرطشه علي هدومه ..
أبو العربي كان هيفقد أعصابه بس تذكر قول النبي ص ( لا تغضب ) فهدي تاني وتاكدت عنده فكرة الموساد وان اللي راكب العربيه اكيد عميل اسرائيلي متخفي وراكب عربيته الهيونداي الفرنا أجرة بورسعيد.واستغفر ربنا وقعد يحاول يعدي وربنا اكرمه في الآخر وركب تاكسي وبرضو هيونداي مما جعل الشك يتسلل اليه مرة تانيه ..
السوائق :صائحا علي فين ياستاذ
أبو العربي : كلية تجاره ياسطي
السواق : الأجره 3 جنيه
أبو العربي : هما 2 جنيه مفيش غيرهم
السواق : خلاص اركب ميكروباص يا شاطر ومتزهقناش ياعم
أبو العربي : انت مالك ياعم .. انت شاكلك كده عميل للموساد
السواق : اناعميل يا..........
ابو العربي : وعميل CIA "المخابرات المركزيه الأمريكيه "
السواق : أنت ملبوس ياجدع انت موساد ايه و CIA ايه انت شاكلك شارب حاجه انزل بدل معرفكش شغلك
أبو العربي : خائفا خلاص ياعم ربنا يكفينا شرك 3 جنيه وامرنا لله

واخيرا وصل ابو العربي الكليه ومتلقاش فيها حد ..سال العسكري هو مفيش حد ليه النهارد؟؟؟
أجابه العسكري : النهارده الجمعه يابو العربي صحي النوم
أبو العربي :ازاي النهارده الجمعه انا شايفها في النتيجه السبت .. مفيش غير الموساد هو اللي ورا الموضوع ده ومسلسل الأوهام أشتغل ( وجمعه الشوال – ورأفت الهجان )

وابو العربي بدأ يكلم نفسه... وبعدين ابو العربي اللي بيحصلي ده النهارده ..اليوم ده كله مشاكل كده ليه هو انا عملت ايه غلط يارب ....واخيرا...... تذكر ابو العربي انه مصلاش الفجر النهارده وان الموضع ملوش دعه بالموساد ولا حاجه فقرر ابو العربي ميفوتش فجر تاني :

ومع السلامه ومغامره جديده من مغامرات أبو العربي

مع تحيات أبو العربي البورسعيدي